🚨 BMC स्थापना दिनीच M/West विभागाला ACBचा दणका! स्थापना दिनाच्या दिवशी खाल्ली माती

🚨 BMC स्थापना दिनीच M/West विभागाला ACBचा दणका!

₹80 हजारांची लाच घेताना अधिकारी रंगेहाथ; वरिष्ठ निरीक्षकासह दोघे ACBच्या जाळ्यात

मुंबई : मुंबई महानगरपालिकेच्या स्थापना दिनाच्या दिवशीच महापालिकेच्या M/West विभागाला लाचलुचपत प्रतिबंधक विभागाने (ACB) जोरदार दणका दिला आहे. हातगाडी व भंगार लिलावातील माल गोडाऊनमधून बाहेर काढून देण्यासाठी शासकीय शुल्काव्यतिरिक्त तब्बल ₹1 लाख 70 हजार रुपयांची लाच मागितल्याच्या आरोपावरून M/West विभागातील दोन लोकसेवकांना ACBच्या पथकाने कारवाई करत ताब्यात घेतले.

ACBच्या माहितीनुसार, तक्रारदाराकडे मागण्यात आलेल्या लाचेपैकी पहिला हप्ता म्हणून ₹80 हजार स्वीकारताना कार्यकारी सहाय्यक विजय सिताराम ठाकरे यांना रंगेहाथ पकडण्यात आले. ही कारवाई 4 सप्टेंबर 2026 रोजी M/West विभागाच्या माहुलगाव येथील भंगार गोडाऊन परिसरात करण्यात आली.

या प्रकरणात—

1. रमेश गोपाळ साळवे (57)

वरिष्ठ निरीक्षक, अनुज्ञापन खाते, M/West विभाग, BMC

2. विजय सिताराम ठाकरे (30)

कार्यकारी सहाय्यक, M/West विभाग, BMC

या दोघांवर ACBने कारवाई केली आहे.

🔴 आधी तक्रार, मग पडताळणी आणि अखेर सापळा!

ACBकडे 2 सप्टेंबर 2026 रोजी तक्रार प्राप्त झाली होती. त्यानंतर 3 सप्टेंबर रोजी करण्यात आलेल्या पडताळणीत ₹80 हजारांचा पहिला हप्ता मागितल्याचे निष्पन्न झाल्याचे ACBकडून सांगण्यात आले. त्यानंतर 4 सप्टेंबर रोजी सापळा रचून ₹80 हजार स्वीकारताना विजय ठाकरे यांना पकडण्यात आले.

ठाकरे यांच्याकडून लाचेची रक्कम स्वीकारण्यात आल्यानंतर त्यांना ताब्यात घेण्यात आले, तर रमेश साळवे यांना त्यांच्या कार्यालयातून ताब्यात घेण्यात आले. दोन्ही आरोपींकडून मोबाईल फोन जप्त करण्यात आल्याची माहिती ACBने दिली आहे.

⚖️ भ्रष्टाचार प्रतिबंधक कायद्यान्वये कारवाई

या प्रकरणात भ्रष्टाचार प्रतिबंधक कायद्यान्वये गुन्हा नोंद करण्याची कार्यवाही सुरू असल्याचे ACBने नमूद केले आहे. या कारवाईमुळे BMCच्या M/West विभागातील प्रशासनाच्या कामकाजावर पुन्हा एकदा प्रश्नचिन्ह निर्माण झाले आहे.

👮 ACBच्या पथकाची धडाकेबाज कारवाई

या सापळा कारवाईचे अधिकारी पोलीस निरीक्षक सागर अरगडे होते. पर्यवेक्षक अधिकारी म्हणून सहायक पोलीस आयुक्त शुभदा मोरे यांनी जबाबदारी सांभाळली.

सापळा पथकात पो.ह. अरुण पाडाळे, पो.ह. गणेश साटम, पो.ह. सुनील रावराणे, पो.शि. देविदास दराणे, म.पो.शि. शितल बाबर, म.पो.शि. सोनाली साळवी, पो.शि.चा. प्रकाश गाराळे आणि पो.शि.चा. ज्ञानेश्वर साबळे यांचा समावेश होता.

ही कारवाई अपर पोलीस आयुक्त संदिप दिवाण, अपर पोलीस उप आयुक्त (1) अनिल घेरडीकर आणि अपर पोलीस उप आयुक्त (2) अनंत साळुंखे यांच्या मार्गदर्शनाखाली करण्यात आली.

मुंबई महानगरपालिकेच्या स्थापना दिनाच्या पार्श्वभूमीवरच दोन महापालिका कर्मचाऱ्यांवर झालेल्या या ACB कारवाईने M/West विभागातील प्रशासनाच्या कारभाराची जोरदार चर्चा सुरू झाली आहे.