📰 डोंबिवलीतील अपघातग्रस्त कामगाराला न्याय; ॲड. भिमेश मुतुला यांच्या प्रयत्नांना यश

📰 डोंबिवलीतील अपघातग्रस्त कामगाराला न्याय; ॲड. भिमेश मुतुला यांच्या प्रयत्नांना यश

डोंबिवली | प्रतिनिधी – डोंबिवली येथे बांधकामावर काम करताना झालेल्या गंभीर अपघातात जखमी झालेल्या कामगाराला अखेर न्याय मिळाला आहे. ॲड. भिमेश मुतुला यांच्या प्रयत्नांमुळे संबंधित बिल्डरकडून नुकसानभरपाई मिळवून देण्यात यश आले आहे.

दोन महिन्यांपूर्वी डोंबिवलीत बांधकामावर काम करत असताना व्यंकटेश पनी हे 12व्या मजल्यावरून खाली पडल्याने गंभीर जखमी झाले होते. या अपघातात त्यांच्या डोक्याला आणि पायाला जबर मार लागला होता. त्यानंतर ते जवळपास महिनाभर कोमात होते.

डॉक्टरांच्या अथक प्रयत्नांमुळे व्यंकटेश पनी यांची प्रकृती हळूहळू सुधारली. त्यांच्या उपचारासाठी सुमारे ₹8 लाखांचा खर्च आला असून तो संबंधित बिल्डरकडून करण्यात आला.

याशिवाय ॲड. भिमेश मुतुला यांच्या पुढाकारातून बिल्डरकडून ₹7.5 लाखांची नुकसानभरपाई धनादेशाच्या स्वरूपात देण्यात आली. त्यामुळे तेलंगणातील या कामगाराच्या कुटुंबाला मोठा दिलासा मिळाला आहे.

सध्या व्यंकटेश पनी यांची प्रकृती स्थिर असून त्यांच्यावर पुढील उपचार सुरू आहेत. कामगारांच्या हक्कासाठी लढा सुरूच राहील, असे ॲड. भिमेश मुतुला यांनी यावेळी स्पष्ट केले.

🏷️ Tags:

#Dombivli #WorkerRights #AccidentNews #LegalHelp #MaharashtraNews #Compensation

🔖 Slug:

dombivli-worker-accident-compensation-bhimesh-mutula