मुंबई महानगरपालिका परिमंडळ-४ उपायुक्त डॉ भाग्यश्री कापसे यांचा दणका; के पश्चिम विभाग सहाय्यक आयुक्त चक्रपाणी अल्ले यांच्या नेतृत्वाखाली सात हॉटेलांवर धडक कारवाई
दिल्ली मध्ये घडलेल्या हॉटेल दुर्घटने नंतर मुंबई महानगर पालिका के पश्चिम विभाग ऍक्शन मोडवर
मुंबई महानगरपालिका परिमंडळ-४ उपायुक्त डॉ भाग्यश्री कापसे यांचा दणका; के पश्चिम विभाग सहाय्यक आयुक्त चक्रपाणी अल्ले यांच्या नेतृत्वाखाली सात हॉटेलांवर धडक कारवाई
मुंबई | प्रतिनिधी
मुंबई महानगरपालिकेच्या के-पश्चिम विभागातील परिमंडळ-४ प्रशासनाने अंधेरी परिसरातील बेकायदा बांधकामे आणि जागा बळकावून व्यवसाय करणाऱ्या हॉटेल व्यावसायिकांविरोधात मोठी कारवाई करत सात हॉटेलांना दणका दिला आहे. सहाय्यक आयुक्त चक्रपाणी अल्ले यांच्या नेतृत्वाखाली ही विशेष मोहीम राबविण्यात आली.
अंधेरी पश्चिम येथील वीरा देसाई रोड तसेच ऑफिस न्यू लिंक रोड परिसरातील काही हॉटेलांनी सेवा क्षेत्रासाठी राखीव असलेल्या मोकळ्या जागांवर अनधिकृत आच्छादने, संरचना आणि व्यावसायिक विस्तार केल्याची माहिती महानगरपालिकेला प्राप्त झाली होती. त्यानुसार विशेष तपासणी मोहीम हाती घेण्यात आली.
या मोहिमेत अनेक हॉटेलांनी नियमबाह्य पद्धतीने मोकळ्या जागांचा वापर करून व्यवसायाचा विस्तार केल्याचे निदर्शनास आले. महानगरपालिकेने तत्काळ कारवाई करत अनधिकृत बांधकामे हटविण्यास सुरुवात केली.
कारवाईदरम्यान संबंधित ठिकाणांहून २४ खुर्च्या, एक कुकिंग रेंज, एक मायक्रोवेव्ह ओव्हन, तीन कूलर, एक इलेक्ट्रिक फायर आणि दोन स्पीकर्स जप्त करण्यात आले. तसेच बेकायदा उभारण्यात आलेली आच्छादने व इतर संरचनाही हटविण्यात आल्या.
ही मोहीम अतिरिक्त आयुक्त डॉ. अश्विनी जोशी यांच्या निर्देशानुसार राबविण्यात आली. उपआयुक्त भाग्यश्री कापसे यांच्या मार्गदर्शनाखाली आणि सहाय्यक आयुक्त चक्रपाणी अल्ले यांच्या नेतृत्वात विभागीय अधिकारी, कर्मचारी, मजूर तसेच अतिक्रमण निर्मूलन पथकातील सुमारे २० जणांनी सहभाग घेतला.
महानगरपालिकेने स्पष्ट इशारा दिला आहे की, सार्वजनिक व सेवा क्षेत्रासाठी राखीव जागांवर अतिक्रमण करून व्यवसाय करणाऱ्यांविरोधात यापुढेही कठोर कारवाई सुरू राहणार आहे. या धडक मोहिमेमुळे अंधेरी परिसरातील बेकायदा व्यवसाय करणाऱ्यांमध्ये खळबळ उडाली असून नियमांचे पालन करणाऱ्या नागरिकांकडून या कारवाईचे स्वागत करण्यात येत आहे.
हेडलाईन
“परिमंडळ-४चा धडक अॅक्शन मोड; सहाय्यक आयुक्त चक्रपाणी अल्ले यांच्या नेतृत्वाखाली सात हॉटेलांवर कारवाई”
स्लग
ANDHERI ILLEGAL HOTELS ACTION | BMC K/WEST WARD | CHAKRAPANI ALLE ACTION
